Биыл Жеңіс туы желбірегеніне 80 жыл. Ел көлемінде аталып өтіп жатқан айтулы датаға орай, ардагерлерге құрмет көрсету, олардың ерлігін жас буынға үлгі ету – басты парызымыз.

Осы мақсатта «Абай жастары» жастар ресурстық орталығы мен «Qazaqstan Medisina Jastary» республикалық қоғамдық бірлестігінің Абай облыстық филиалының бірлесіп ұйымдастыруымен «Ардағым ардагерім» атты акциясы өтті.

Ізгілікке толы шара барысында ұйымдастырушылар тыл ардагері Ахатова Ақанның шаңырағына арнайы барып, құрмет көрсетті. Ардагермен жылы жүздесу ұйымдастырылып, жастар шынайы алғысын білдірді. Сонымен қатар ардагерге медициналық көмек көрсетілді. Шара соңында азық-түлік себеті мен сый-сияпаттар табысталды.

Кездесу барысында жастар атынан сөз алған Ерсінбек Өрлеубек ардагерге алғысын білдіріп, кейінгі ұрпақтың атынан ізгі тілегін жеткізді.

Ахатова Ақан өз сөзінде сол бір зұлмат жылдарды еске алып, қазіргі бейбіт заманның қадірін бағалауға шақырды.

Бұл іс-шара – тек бір ардагерге көрсетілген көмектен ғана тұрмайды. Бұл – болашаққа бағытталған тәлім мен тәрбие. Ұрпақтар арасындағы байланысты нығайтып, өткенге құрмет, ерлікке тағзым көрсету – басты мұрат. Осындай істер арқылы ел рухын көтеріп, жас буынды отансүйгіштікке баулуға болады.

«Ардағым ардагерім» – бір күндік акция емес, бұл – жүректен шыққан алғыс пен ұзақ жылдарға жалғасар рухани көпір.