Семейде BINOM мектептер желісін салу мәселесі талқыланды

Кеше, 14:59 Думан Кенжеғазыұлы

Бүгін облыс әкімі Берік Уәли BINOM мектептер желісінің басқарушы директоры Шолпан Қадыровамен кездесіп, білім беру саласындағы ынтымақтастық пен Семей қаласында жаңа мектеп салу мәселесін талқылады.

Шолпан Қадырова Абай облысында мемлекеттік-жеке меншік әріптестік шеңберінде BINOM мектебін салу туралы ұсыныс білдірді. Облыс әкімі бастаманы қолдайтынын айтып, өңірге заманауи мектептердің қажет екенін атап өтті.

«Қазіргі таңда облысымызда дарынды балаларға арналған бірде-бір мектеп жоқ. Соған қарамастан оқушыларымыз халықаралық және республикалық олимпиадалар мен байқауларда жоғары нәтиже көрсетіп жүр. Балаларымыздың әлеуеті өте жоғары. Семей қаласында BINOM мектептер желісі ашылатын болса, ата-аналар өз баласын үлкен сеніммен береді деп ойлаймыз. Ұсыныстарыңызды қолдаймыз»,- деді аймақ басшысы.

Еліміз бойынша BINOM мектептер желісінің 8 мектебі жұмыс істейді. Онда 32 мыңға жуық оқушы білім алады. 1800-ден астам мұғалім бар.

BINOM мектептер желісі халықаралық стандарттарға сай жабдықталған. Мұнда жаратылыстану-математикалық бағытқа басымдық беріледі. Сондай-ақ, STEM, жобалық оқыту сынды инновациялық әдістер қолданылады. Оқу үдерісі цифрлық технологиялармен жабдықталып, интерактивті тақталар мен онлайн платформалар арқылы жүргізіледі.

Тағыда оқыңыз

Мемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзі Мемлекет басшысы Қасым-Жомарт Тоқаевтың Ұлттық құрылтайдың төртінші отырысында сөйлеген сөзі Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына Жолдауы Қасым-Жомарт Тоқаев: «Мақсатым – экономиканы және егемендікті нығайту»Мемлекет басшысы Қасым-Жомарт Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына Жолдауы

Бізге ақпарат жолдаңыз Телеграмдағы каналымыз

Семейде BINOM мектептер желісін салу мәселесі талқыланды

Пікірлер (0)