Өскемен қаласында көлік вице-министрі Талғат Ластаев №50 мектептің 9–11 сынып оқушыларымен кездесіп, сала туралы егжей-тегжейлі айтып берді. Білікті мамандарға сұраныс жоғары екенін атап өтті. Қазіргі таңда елімізде 13 мың шақырымнан астам автожол құрылысы, Достық–Мойынты, Дарбаза–Мақтарал, Аягөз–Бақты теміржол желілері, жаңа әуежайлар мен жолаушылар бағыттарын кеңейту жобалары іске асуда.

Кездесуде «ҚТЖ», «Қазаэронавигация», НЦКДА және Д. Серікбаев атындағы ШҚТУ өкілдері мамандықтардың артықшылықтары мен мансаптық мүмкіндіктері жайлы баяндады.

Оқушылар заманауи технологиялар, жасанды интеллектті енгізу және көлік саласындағы оқу орындарына түсу мәселелері бойынша сұрақтар қойды.

Бұл іс-шара жастарды стратегиялық маңызды көлік саласына тартуға бағытталған маңызды қадам болды.