Бүгін «Елімай» футбол клубының ойыншылары мен бапкерлер құрамы Семей қаласы әкімі сайлауына қатысып, өз таңдауларын жасады.

Команда мүшелері бұл тарихи сәттің маңыздылығын атап өтіп, сайлауға қатысу – әрбір азаматтың ел тағдырына деген жауапкершілігі мен белсенді ұстанымының көрінісі екенін айтты.

— «Бүгін біз тек спортта емес, азаматтық тұрғыдан да өз командамыздың намысын қорғадық. Себебі сайлау – қаламыздың болашағын айқындайтын маңызды қадам. Әр тұрғынның дауысы – Семейдің ертеңіне қосылған үлес», – деді клуб капитаны.

«Елімайлықтар» барша семейліктерді белсенді болып, өз таңдауларын жасауға шақырды.