Қазақстандық ғылымды дамыту мәселелері талқыланды

17-04-2023, 10:48 Думан Кенжеғазыұлы

Алматыда ҚР Президенті Әкімшілігі басшысының орынбасары Аида Балаева ғылыми қоғамдастыққа ҚР Ұлттық ғылым академиясының жаңа президенті Күнсұлу Закарияны таныстырды. Бұл қызметке Күнсұлу Дальтонқызы Мемлекет басшысы Қасым-Жомарт Тоқаевтың өкімімен тағайындалды.

Іс-шараға ҚР Ұлттық ғылым академиясының мүшелері, жоғары оқу орындары және ғылыми ұйымдардың басшылары қатысты.

Кездесу барысында Мемлекет басшысының Президент жанындағы Ғылым және технологиялар жөніндегі Ұлттық кеңестің бірінші отырысында берілген соңғы тапсырмалары аясында қазақстандық ғылымды одан әрі дамыту мәселелері талқыланды.

«Көптеген бағыттар бойынша министрлік тиісті жұмысты бастады. Ал белгіленген жоспарларды сәтті жүзеге асыру үшін біздің бүкіл ғылыми қоғамдастықтың белсенді қатысуы қажет», - деп атап өтті Аида Ғалымқызы.

Сондай-ақ, жиында соңғы үш жылда ғылымды қаржыландыру 3 есеге артып, жекеменшік бірлескен қаржыландыру түрінде 6,9 миллиард теңгеден астам қаражат тартылғаны айтылды. Ал коммерцияландыру жобалары нәтижесінде инновациялық өнімді өткізуден түскен кіріс 22,6 млрд теңгені құрады.

Тағыда оқыңыз

Мемлекет басшысы Қасым-Жомарт Тоқаевтың VIII сайланған Парламенттің бірінші сессиясының ашылуында сөйлеген сөзі Мемлекет басшысы Президент жанындағы Ғылым және технологиялар жөніндегі ұлттық кеңестің отырысын өткізді Шәкәрім шаңырағы – Абай елінің рухани қара шаңырағы!Шәкәрім шаңырағының ғылыми тынысы және инновациялық әлеуеті Қазақстанда білім беру ұйымдары бейнебақылау жүйелерімен 100% қамтамасыз етілген

Бізге ақпарат жолдаңыз Телеграмдағы каналымыз

Қазақстандық ғылымды дамыту мәселелері талқыланды

Пікірлер (0)