«Балдәурен» республикалық оқу-сауықтыру орталығының мәліметінше, 17-21 сәуір аралығында «Жаңа мектепке – жаңашыл ұстаз» атты жас педагогтердің VI Республикалық байқауы өткізіледі.

Конкурсқа жоғары немесе орта кәсіптік білімі бар және білім беру мекемесінде мамандығы бойынша үш жылдан аспайтын педагогикалық жұмыс өтілі бар барлық үлгідегі білім беру мекемелерінің педагог қызметкерлері қатыса алады.

«Жас педагогтердің әлеуметтік мәртебесі мен шығармашылық әлеуетін арттыру, олардың инновациялық қызметін дамыту, олардың кәсіби шеберлігін одан әрі арттыру үшін жағдай жасау және оларды білім беру ұйымдарында бекіту мақсатында Жас педагогтер конкурсы өткізіледі. Міндет-жас мамандарды инновациялық идеялар мен қызмет түрлерін іздеуге ынталандыру, оларды мәдени білім беру ортасының дәстүрлеріне баулу», - деп атап өтті Орталық директоры Алибаев Сержан.

Толық ақпаратты сіз www.baldauren.kz сайтынан ала аласыз.
Конкурсқа қатысуға өтінімдер мына мекен-жай қабылданады: baldauren@mail.ru