Қаскелеңде кино, медиа және креативті индустрия саласында білікті мамандарды даярлайтын NYFA Kazakhstan-да ашық есік күні өтті. Іс-шара аясында қонақтар кампусты аралап, болашақ шығармашылық алаңның инфрақұрылымы мен атмосферасымен танысты. NYFA Kazakhstan басшылары оқу бағдарламаларын, кампус концепциясын және студенттерге арналған мүмкіндіктерді таныстырды.

Қатысушылар сондай-ақ оқытушылар мен шақырылған сарапшылар өткізген шеберлік сағаттарына қатысып, кәсіби шығармашылық ортаға ену мүмкіндігіне ие болды.

Айта кетейік, Қазақстандағы NYFA филиалы – Орталық Азиядағы әлемге танымал американдық кино мектебінің жалғыз филиалы. Жаңа кампус Energo University және Dala Edge креативтік паркі негізінде құрылды.

Филиалда АҚШ-тан арнайы келетін NYFA кәсіби лекторлары Кино (Filmmaking), Продюсерлік (Producing), Сценарист (Screenwriting), Анимация және визуалды эффектілер (3D Animation & VFX), Ойын әзірлеу (Game Design) бес бағыты бойынша жүргізеді.