Облыс әкімі үндістандық инвесторлармен кездесті
Бүгін облыс әкімі Берік Уәли «Kazakhstan Silicon Alloys» компаниясының басқарушы директоры Паниграхи Бхакта Кишор бастаған шет елдік делегациямен кездесті.
Бахрейн Корольдігінің Манама қаласында орналасқан сауда және консалтингтік компания өкілдері кездесуде Семей және Курчатов қалаларында ферросилиций зауытын салғысы келетіндерін айтты. Жалпы инвестиция көлемі 500 миллион АҚШ долларын құрайды.
Инвесторларға зауытты іске қосу үшін 100 гектар жер учаскесі және тиісті инфрақұрылым қажет. Өндіріс озық экологиялық стандарттарға сай жүзеге асырылады.
Аймақ басшысы үндістандық инвесторлармен жобаны бірлесе жүзеге асыруға дайын екенін атап өтті.
«Абай облысы – тоғыз жолдың торабында орналасқан, логистикалық жағынан да, өндірістік әлеует тұрғысынан да өте қолайлы өңір. Курчатов қаласының болашағы зор. Семей қаласында жаңа ықшам аудан салуды бастап жатырмыз. Облыста жаңа, заманауи зауыттың салынғанын қалаймыз. Облыс әкімдігі тарапынан жан жақты қолдау көрсетуге дайынбыз», – деді облыс әкімі.
Тағыда оқыңыз
Мемлекет басшысы Қасым-Жомарт Тоқаевтың Қазақстан халқына жолдауы «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу»Мемлекет басшысы Қасым-Жомарт Тоқаевтың Ұлттық құрылтайдың төртінші отырысында сөйлеген сөзіҚасым-Жомарт Тоқаев: «Мақсатым – экономиканы және егемендікті нығайту»Мемлекет басшысы Қасым-Жомарт Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына ЖолдауыМемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына Жолдауы