Семей қаласында Әскери институт курсанттары №1 мектеп оқушыларымен кәсіби бағдар беру кездесуін өткізді. 

Іс-шара барысында болашақ офицерлер оқушыларға Құрлық әскерлерінің Әскери институтына түсу тәртібі, кандидаттарға қойылатын талаптар, Оқу шарттары мен әскери қызметтің артықшылықтары туралы айтып берді. Офицер мамандығын таңдау үшін қажетті тәртіп, дене шынықтыру және моральдық-психологиялық қасиеттерге ерекше назар аударылды. 

Курсанттар жеке оқу тәжірибесімен бөлісті, презентация материалдарын көрсетті және жоғары сынып оқушыларының сұрақтарына жауап берді. Ашық диалог форматында оқушылар мансаптық өсу перспективалары, әлеуметтік кепілдіктер және әскери кәсіптің маңыздылығы туралы ақпараттар алды. 

Абай өңірлік гарнизонының баспасөз қызметі