Семей қаласының әкімі Әділет Нұрсағатұлы бейнебақылау жүйесі орнатылған ситуациялық орталыққа барып, оның жұмысымен танысты. Қала қауіпсіздігін қамтамасыз ететін «Сергек» жүйесіне қосылған бейнекамералар қазір тұрақты жұмыс істеп тұр. Сондай-ақ, Семей қаласындағы барлық жерасты өткелдері де «Сергек» жүйесіне қосылған, бұл қауіпсіздікті бақылауда тұрақты мониторинг жүргізуге мүмкіндік береді.
Қазіргі таңда ситуациялық орталықта 50-ге жуық қызметкер жұмыс істейді. Олардың міндетіне тек бейнебақылау жүйесін бақылау мен қала тіршілігін қамтамасыз ету ғана емес, азаматтардың тәулік бойы қызметке жүгінуіне мүмкіндік беретін «109» бірыңғай байланыс орталығының жұмысын үйлестіру де кіреді.