Абай облысында жол қозғалысы қауіпсіздігін қамтамасыз ету және құқықтық мәдениетті арттыру мақсатында «Заң мен тәртіп» идеологиясы аясында «Үлгілі жүргізуші» атты профилактикалық акция өткізілді.

Аталған шараның басты мақсаты – жол-көлік оқиғаларының алдын алу, жүргізушілер арасында тәртіп пен жауапкершілікті нығайту, сондай-ақ жол қозғалысы ережелерін қатаң сақтаудың маңыздылығын кеңінен насихаттау.

Үлгілі тәртіп көрсеткен азаматтарға алғыс білдіріліп, «Заң мен тәртіп» идеологиясының нышаны ретінде арнайы брелоктар табысталды.

Іс-шара аясында тәртіп сақшылары жүргізушілермен түсіндіру жұмыстарын жүргізіп, жол қозғалысы ережелерін сақтау – әрбір азаматтың өмірі мен денсаулығының қауіпсіздігіне тікелей әсер ететінін атап өтті.

Мұндай акциялар өңірде жол қауіпсіздігін нығайтуға, құқық бұзушылықтардың алдын алуға және қоғамда «Заң мен тәртіп» қағидаттарын орнықтыруға бағытталған жүйелі жұмыстардың бір бөлігі болып табылады.