Курчатов қаласында Қазақстан Республикасының Ұлттық ядролық орталығы республикалық мемлекеттік кәсіпорнының қызметкерлері республикалық референдумға қатысып, өз таңдауларын жасады.

Ұлттық ядролық орталық қызметкерлері ғылым мен технологияны дамыту ел болашағының маңызды бағыттарының бірі екенін атап өтті. Олардың айтуынша, ғылыми зерттеулерді, инновациялар мен жоғары технологияларды қолдау мемлекеттің зияткерлік әлеуетін арттырып, халықаралық деңгейдегі бәсекеге қабілеттілігін нығайтуға ықпал етеді.

РМК «ҰЯО РК» Бас директорының орынбасары Ерболат Қоянбаев:

— Бүгін біз қызметкерлеріміздің жоғары деңгейдегі азаматтық жауапкершілігін көріп отырмыз. Дауыс беруге белсенді қатысу – ел болашағына бейжай қарамайтындықтың айқын көрінісі. Әрбір азаматтың өз таңдауын жасауы қоғамның дамуына қосқан үлесі деп білемін. Ғылым мен технологиялар қазіргі қоғамда шешуші рөл атқарады. Осы бағыттарды қолдау – мықты әрі бәсекеге қабілетті мемлекетті қалыптастырудың маңызды бөлігі, – деді.