Қызметкерлердің кәсіби өсуі мен дамуы, тұлғалық қалыптасуының  тиімді практикасы – «ҚТЖ» ҰК» АҚ кадр саясаты басым векторларының бірі. Компанияның орталық кеңсесінде TechWomen бастамасы өкілдерімен кездесу болып өтті, оның міндеті бүкіл әлем бойынша ғылым, технология, инженерия және математика (STEM) саласындағы әйел-лидерлердің мүмкіндіктерін кеңейту, біріктіру және қолдау болып табылады.

Спикерлер TEDx форматында сөз сөйлеп, STEM-дегі әйелдерді қолдау, көшбасшылыққа үйрету туралы өз әңгімелерін ортаға салды. ҚТЖ қызметкерлері теміржол саласындағы өз тәжірибелерімен бөлісіп, жетістіктері мен мансаптық мүмкіндіктері туралы айтып берді.

Кездесу барысында «ҚТЖ» ҰК» АҚ адам ресурстарын басқару департаментінің директоры Сәуле Истлеева компаниядағы ағымдағы гендерлік жағдай, әйелдер көшбасшылығының рөлі туралы айтып, кадр саясатының жоспарларымен бөлісті.