ҚР Мәдениет және ақпарат министрлігінің қолдауымен және Түркістан облысының Жастар ресурстық орталығының бастамасымен AL-FARABI республикалық зияткерлік ойыны ұйымдастырылды.

Үш күнге созылған додада еліміздің әр өңірінен жиналған 500 команда, яғни 2500-ге жуық қатысушы білім, логика және сыни ойлау бойынша өзара бақ сынады.

Ойынның іріктеу кезеңі Кентау қаласында өтсе, финалдық кезеңі Түркістанда ұйымдастырылды. Нәтижесінде бірінші және үшінші орындарды Түркістан облысының IQ Elite және Keles Oilap командалары иеленсе, екінші орын Алматы қаласының A team командасына бұйырды.

Жоба жастардың білімге құштарлығын арттырып, зияткерлік әлеуетін шыңдауға және дүниетанымын кеңейтуге бағытталды.

Сонымен қатар ойын барысында белсенділігімен ерекшеленген командалар мен қатысушылар арнайы аталымдармен және ақшалай сыйлықтармен марапатталды.