Жаңа оқу жылынан бастап Абай облысының бастауыш сынып оқушылары тегін тамақтанады
2023-2024 оқу жылынан бастап Абай облысының жалпы білім беретін мектептерінің 1-4 сынып оқушылары тегін тамақпен қамтамасыз етіледі. Бұл туралы бүгін облыстың әлеуметтік-экономикалық дамуы жөніндегі кеңейтілген кеңесте әкімнің орынбасары Шалқар Байбеков мәлімдеді. Ол бастауыш сынып оқушыларынан басқа, 350 балабақшада көпбалалы отбасылардан 5 700 бала тегін тамақтана алатынын атап өтті.
«Осы санаттағы балалар қосымша білім беру ұйымдарына, үйірмелер мен секцияларға тегін барады. Қамқоршыларға 600 жетім бала мен ата-анасының қамқорлығынсыз қалған балаларға жәрдемақы төлеуге 200 млн теңге қарастырылған», - деді Шалқар Байбеков.
Оқушы орындарының тапшылығы проблемасын шешу мақсатында 2027 жылға дейін облыста 9500 орындық 18 мектеп салынады. Атап айтқанда, Семейде 5 мектеп салу жоспарлануда.
«Мектептердің материалдық-техникалық базасын нығайту мақсатында 87 жаңа кабинет жабдықталады, сондай-ақ 11 ауылдық мектепте автобустар сатып алынады. Бұдан басқа, ағымдағы жылы 8 мектеп пен 1 балабақшаға күрделі жөндеу жүргізіліп, Абай облысының 85 мектебіне ағымдағы жөндеу жүргізіледі»,- деп атап өтті Шалқар Байбеков.
Тағыда оқыңыз
2023 жылғы жалпы егіс алқаптарының көлемі 23,4 млн гектарды құрайдыМемлекет басшысы Қасым-Жомарт Тоқаевтың VIII сайланған Парламенттің бірінші сессиясының ашылуында сөйлеген сөзіҚР Парламент Мәжілісі депутаттарын сайлауда дауыс берудің алдын ала нәтижелері туралыҚазақстанда білім беру ұйымдары бейнебақылау жүйелерімен 100% қамтамасыз етілгенҮкіметте Қазақстан өңірлерінің су тасқынына дайындығы қаралды