Әкімдік қаулысына сәйкес, 2026 жылғы 5 қазаннан бастап Семей қаласында жылыту маусымы ресми түрде басталады. Алдымен жылу әлеуметтік нысандарға (балабақшалар, мектептер, медициналық мекемелер) беріледі. Кейін тұрғын үйлер, әкімшілік және өндірістік ғимараттар жылумен қамтылмақ. «Теплокоммунэнерго» МКК жылу жүйесінің тұрақты, қауіпсіз және үздіксіз жұмыс істеуін қамтамасыз ету үшін барлық қажетті шараларды қабылдап жатыр.