«Семей медицина университеті» КеАҚ Басқарма төрағасы – Ректор А. Дюсуповтың шешімімен университеттің білікті, мықты дәрігерлері Түркия Республикасындағы жер сілкісінен зардап шеккен азаматтарға көмек қолын созу үшін Түркия еліне аттануға дайын.

Олардың қатарында: Б. С. Буланов атындағы жүрек-тамыр және торакалды хирургия кафедра меңгерушісі, жоғары санатты дәрігер, Ангиохирург (тамырлы хирург) – Мерей Нуриденович Иманбаев, шұғыл медицина кафедрасының доцент м.а., жоғары санатты дәрігер терапевт, пульмонолог - Жанар Маратовна Уразалина, шұғыл медицина кафедрасының ассистенті, жоғары санатты дәрігер хирург - Мирлан Кайртаевич Хакимов, терапия кафедрасының ассистенті, жоғары санатты дәрігер терапевт - Айсулу Сарсенгазыевна Жунуспекова, әскери дайындық кафедрасының меңгерушісі, медицина қызметінің полковнигі - Шынгыс Оразмухаметович Орынбасаров, госпитальдық хирургия, анестезиология және реаниматология кафедрасының ассистенті, жоғары санатты дәрігер, анестезиолог реаниматолог - Сауле Владимировна Альпищева, жоғары санатты дәрігер хирург, доктарант - Жасулан Ошанович Кожахметов бар.

Семей медицина университетінің ұжымы бауырлас түрік халқына қайғырып көңіл айтады және университет мамандарынан құрылған топ зардап шеккен өңірлерге көмекке аттанады. Қазақ елі Cіздермен бірге!