Әскери госпиталь «Ашық есік» күнін ұйымдастырды

21-08-2023, 10:00 018.kz

Семей қаласының әскери госпиталі «Ашық есік» күнін ұйымдастырды. Шараға Семей медицина университетінің студенттері қатысты. Жоғары білім алушылар алдымен мекемедегі заманауи медициналық техникамен танысса, әрімен қарай госпиталде ем қабылдаушылармен тілдесіп, хал-жағдайларын сұрасты. Мекеме қызметкерлері болашақ дәрігерлермен пікір алмасып, жинаған тәжірибелерімен бөлісті.

- Біз бүгін Семей қаласындағы әскери госпиталдің табалдырығын аттап тұрмыз. Алғашқы сәттен бастап алған әсеріміз өте ерекше. Жаңа үлгідегі медициналық құрылғылармен қамтылған госпиталде медициналық көмек көрсетудің ауқымын кең екенін оңай аңғаруға болады. Еліміздің қорғанына айналған азаматтардың денсаулығын қадағалайтын мекеме әскери сала әлеуетінің ғана емес, Қазақстан медицинасының өркен жаюына өз үлесін қосады деп ойлаймын, - дейді Семей медицина университетінің студенті Гүлнәр Сағындықова.

Семей қаласының әскери госпиталінде 85 керует-орын бар. Қабырғасы 1970 жылы қаланған медициналық нысан алғашында 100 науқасты қабылдайтын мүмкіндікке ие болған. Денсаулық сақтау нысанында біліктілігі жоғары арнайы мамандар қызмет етеді

- Госпиталде елу керуетке арналған терапия бөлімшесі мен отыз керуеттік хирургия бөлімшесі, сондай-ақ анестезиология және реанимация бөлімшесі бес керуетті қамтиды. Тәжірибелік дағдыларды дамыту мақсатында барысында жыл сайын госпиталге елу адам келеді, - дейді әскери госпиталь бастығының медицина бөлімі жөіндегі орынбасары медицина қызметінің майоры Анвар Разиев.

Жүзге жуық медициналық қызметші қызмет атқаратын госпиталдің тыныс-тіршілігі студенттер қауымын баурап алғандай. Алдағы уақытта әскери ақ халатты атану – кейбір келушінің түбегейлі мақсатына айналды. Дәл осындай «Ашық есік» күні тағы бір мәрте жүзеге асып жатса, бұндай іс-шараға асыға қатысуға дайынбыз деп тарқасты олар.

Абай өңірлік гарнизонының баспасөз қызметі

Тағыда оқыңыз

Мемлекет басшысы Қасым-Жомарт Тоқаевтың VIII сайланған Парламенттің бірінші сессиясының ашылуында сөйлеген сөзі Шәкәрім шаңырағы – Абай елінің рухани қара шаңырағы!Мемлекет басшысының еліміздің әлеуметтік-экономикалық даму мәселелері жөніндегі кеңейтілген кеңесте сөйлеген сөзі Елімізде ішкі көші-қон ағыны тұрақтанды — Т. Дүйсенова Мемлекеттік қызметшінің тұлғалық болмысын жетілдірудегі маңызды қадам

Бізге ақпарат жолдаңыз Телеграмдағы каналымыз

Әскери госпиталь «Ашық есік» күнін ұйымдастырды

Пікірлер (0)