Қазақстан Республикасы Сыртқы істер министрінің орынбасары Роман Василенко Вьетнам Социалистік Республикасының Коммунистік партиясы Орталық комитетінің Сыртқы байланыстар бөлімі меңгерушісінің бірінші орынбасары Нгуен Тхи Хоанг Ванмен кездесті.

Кездесу барысында тараптар екіжақты ынтымақтастықтың ағымдағы мәселелерін талқылап, Қазақстан мен Вьетнамның мүдделі мекемелері арасындағы өзара іс-қимылды кеңейтудің ықтимал жолдарын қарастырды.

Сонымен қатар, ҚР Президенті Қасым-Жомарт Тоқаевтың ағымдағы жылдың тамыз айында Ханойға сапары барысындағы қол жеткізілген уағдаластықтарды іске асыру бойынша пікір алмасылды. Атап айтқанда, жылына бір миллиард долларға дейін ұлғайтуы көзделген екі мемлекет арасындағы экономикалық динамиканың оңдылығы аталды.

Кездесудің нәтижесі бойынша тараптар Қазақстан мен Вьетнам арасындағы, оның ішінде парламентаралық өзара іс-қимыл шеңберінде сындарлы екіжақты ынтымақтастықты жандандыру мақсатында өзара қолдау көрсетуге уағдаласты.