Жауынгерлік дайындық жоспарына сәйкес Әуе қорғанысы күштерінің авиациялық базаларында тәжірибелі нұсқаушылардың басшылығымен оқу-жаттығу ұшулары өтті.

Оқу-жауынгерлік ұшулар кезінде жойғыш-ұшқыштар әуе ұрысын жүргізу, әуе нысаналарын қолға түсіру тәсілдерін пысықтап, күрделі және жоғары пилотаж фигураларын орындады. Сондай-ақ зымыранды-бомбалық соққыларды қолданудың жаңа тәсілдері пысықталды.

Ұшу күндіз-түні әр түрлі метеорологиялық және климаттық жағдайда жүргізілді. Ұшу, қону минималды аралықтар мен қашықтықтарда екі ұшақпен және  жеке жүзеге асырылды.

Әрбір ұшудың алдында қамтамасыз ету бөлімшелерінің қатысуымен жерде мұқият дайындық болды. Аталған шаралар елдің әуе кеңістігін қорғайтын ұшу және инженерлік-техникалық құрамдардың кәсіби шеберлігін арттыруға бағытталған.