Десанттық-шабуылдау әскерлерінің жыл сайынғы дайындығы шеңберінде 16194 әскери бөлімінде радиотелеграфшылардың жиыны өткізіліп жатыр. Келісімшарт бойынша әскери қызметшілерді Морзе әліппесінің көмегімен ақпарат беру үшін классикалық телеграф кодымен жұмыс істеуге үйретеді.

Байланыс әскерлерін жаңа, жоғары технологиялық машиналармен және құралдармен жабдықтағанына қарамастан, Морзе кодын қолдана отырып, радиобайланыс арқылы ақпарат беру әлі де өзектілігін жоғалтқан жоқ. Керісінше, қазіргі әскери қақтығыстарда тактикалық байланыста әскерлерді басқару кезінде оған басымдық беріледі.

Радиобайланыстың мобильді, спутниктік, цифрлық және ақпаратты берудің басқа әдістерінен артықшылығы ең алдымен қосымша инфрақұрылымға қажеттіліктің болмауында дейді нұсқаушы. Өзімен бірге портативті станциясы бар радио операторы ғана бірнеше жүз шақырым қашықтыққа байланыс орната алады.

Десанттық-шабуылдау әскерлері қолбасшылығының радиотелеграфшылар жиынын өткізудегі міндеті – кедергілерден қалай арылуды білетін, ақпаратты жедел және сапалы қабылдай алатын немесе бере алатын нағыз мамандарды даярлау.

Бір айлық сабақта келісімшарт бойынша әскери қызметшілер Морзе кодын басынан үйренуді, сандарды әріптерге айналдыруды және керісінше, өзгермелі ортаға жедел әрекет ету дағдыларын үйренеді.

Бұл қабілеттер кез келгеннің бойынан табыла бермейді. Сондықтан оқуға 30 үміткердің ішінен мұқият іріктелген он төрт адам қабылданды.

Оқу курсын аяқтағаннан кейін келісімшарт бойынша барлық әскери қызметшілер өз бөлімшелерінде радиотелеграф лауазымдарына тағайындалады. Алдағы «Батыл тойтарыс» оқу-жаттығуы барысында олар меңгерген білімдерін, дағдылары мен машығын іс жүзінде көрсетеді.