ҚР Мәдениет және ақпарат министрлігі тағайындаған Қазақстан Республикасының өнер саласындағы Umai-2023 ұлттық сыйлығының ұйымдастыру комитеті байқауға қатысуға өтінімдер 5 желтоқсанға дейін қабылданатынын еске салды. Биыл Umai сыйлығының саны артты, ал «Театр өнері», «Хореографиялық өнер», «Музыкалық-орындаушылық өнер», «Бейнелеу және сәндік-қолданбалы өнер» номинациялары бұрынғыша қалды. 

Ұйымдастыру комитеті өтінімдерді белсендірек тапсыруға шақырды. Қосымша толығырақ ақпаратты алу үшін «Астана Операның» ресми сайтына кіріп, «Umai-2023 сыйлығы» бөлімінде қатысуға қажетті құжаттар тізімін оқып шығу керек. 

Umai ұлттық сыйлығы әуел бастан еліміздегі өнер адамдарын біріктіру үшін тағайындалған болатын. 

Umai ұлттық сыйлығы – еліміздің өнер саласындағы ең мәртебелі әрі беделді сыйлықтардың бірі. Жыл сайын ол жаңа біртуар қайраткерлердің есімдерін анықтап, отандық мәдениеттің дамуына және ілгерілеуіне ықпал етеді.