Бүгін қалада демалуға және бос уақытты тиімді өткізуге арналған жаңа орын ашылып, халық игілігіне берілді. Бұл облыс ашылғалы бері  Семейде бірінші қоғамдық кеңістік емес.

Қоғамдық кеңістік заманауи стильде жасалған, жасыл кеңістіктер отырғызылған, шағын архитектуралық пішіндер мен жаяу жүргіншілерге арналған ыңғайлы төсеніштер жасалған.

Семей қаласындағы Ақындар орталығының жетекшісі Дәметкен Омарбаева атап өткендей, бұл жаңалық барлық семейліктер үшін маңызды оқиға болды.

Қала тұрғыны Рахметолла Ракышев барлық семейліктер үшін қаланың  абаттандырылып, халық үшін белсенді демалыс орындарының ашылуы ерекше деп атап өтті.

Қала әкімі Нұрбол Нұрсағатовтың айтуынша, қоғамдық орындарды ашу жұмыстары келесі жылы да жалғасады. Қала басшысы бүгін Красный кордон халқы үшін жақсы, заманауи футбол алаңы ашылса, келесі аптада Шығыс кентінде қоғамдық кеңістік ашылатындығын жеткізді.