Курчатовтық командир Ұлттық ұлан үздігі атанды

29-11-2023, 10:27 018.kz

Кім мықтыны анықтаған сайыс үш күнге ұласты. Әрбір жауынгер сайысқа сақадай сай дайындықпен келген. Өйткені, олар, мұның алдында әскери бөлім арасындағы жарыста суырылып алға шығып, топ жарып шыңдалғандар. Кіл үздіктер бас қосқан байқауда офицерлер «үздік батальон командирі», «үздік штаб бастығы», «батальон командирінің тәрбие және әлеуметтік-құқықтық жұмыстар жөніндегі үздік орынбасары» аталымдарын өзара сарапқа салса, сержанттар құрамы «үздік взвод сержанты, «үздік бөлімше командирі» атану жолында жан алып, жан берісті.

- Сайысқа әскери бөлімдерден іріктелген 30 офицер мен 14 сержант қатысуда. Шара мақсаты жеке құрамды жетілдіру. Байқау барысында олар мемлекеттік-құқықтық дайындық, қызметтік-жауынгерлік қолдау тәсілі, жалпы әскери жарғылар және де дене шынықтырудан сынақ тапсырды. Сонымен қатар атыс алаңында әртүрлі позициядан белгілі бір нысанаға оқ жаудырды, - дейді «Шығыс» өңірлік қолбасшылығы қолбасшысының орынбасары полковник Еркен Жанабергенов.

Сайыс қорытындысы бойынша 3514 әскери бөлімінің арнайы комендатурасының коменданты майор Елдос Исин қаруластарынан оқ бойы озып шығып, «үздік батальон командирі» аталымы бойынша жеңімпаз атанды. Ол келесі кезеңге дайындықта дене шынықтыру сынағына басым көңіл бөлмек.

- Мен бұл байқауда екінші рет өз бағымды сынап тұрмын. Бүгінгі жеткен жетістігіме қуаныштымын. Сын-сайыста бәсекелестік тудырған 5518 әскери бөлімінің намысын қорғаған әскери қызметші болды. Алайда, жарыс барысында өзімді қамшылай түстім. Нәтижесінде, міне, үздік атандым, - дейді 3514 әскери бөлімінің арнайы комендатурасының коменданты майор Елдос Исин.

Сайыс жеңімпаздарына арнайы дипломдар табысталды. Ұлттық ұланның батальондық бөліністегі офицерлердің кәсіби шеберлігін тексеру бойынша ұйымдастырылған байқауда алдыңғы санаттан көрінгендер келесі жылы қаңтар айында өтетін сайыстың үшінші кезеңіне жолдама алды.

«Шығыс» өңірлік қолбасшылығының баспасөз қызметі

Тағыда оқыңыз

Қарулы күштерде үздік сержанттар анықталды Азуын айға білеген Айза Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына Жолдауы Мемлекет басшысы Қасым-Жомарт Тоқаевтың VIII сайланған Парламенттің бірінші сессиясының ашылуында сөйлеген сөзі Президент мемлекеттік наградалар, жоғары әскери және арнаулы атақтар, сыныптық шендер тапсыру рәсіміне қатысты

Бізге ақпарат жолдаңыз Телеграмдағы каналымыз

Курчатовтық командир Ұлттық ұлан үздігі атанды

Пікірлер (0)