Астанада Қазақстан Республикасы Президенті жанындағы Әйелдер істері және отбасылық-демографиялық саясат жөніндегі ұлттық комиссияның төрағасы Аида Балаева «Самұрық-Қазына» АҚ «Гендерлік теңдік» бағдарламасының қатысушыларымен кездесті. Іс-шараға бағдарлама нәтижесінде құрылған пулға енген 68 көшбасшы әйел қатысты.

Министр Ұлттық комиссия реформалардың басымдықтары мен «Халық үніне құлақ асатын мемлекет» тұжырымдамасының қағидаттарын ілгерілетуге бағытталған әлеуметтік-интеграциялық жобалар кешенін жүзеге асырып жатқанын атап өтті.

2023 жылы комиссия «Самұрық-Қазына» АҚ-мен бірлескен үш қайырымдылық жобасын сәтті ұйымдастырды.

Мәселен, «Саламатты Қазақстан» медициналық пойызы шалғай ауылдардың тұрғындарына медициналық консультациялар және медиациялық-құқықтық және психологиялық көмек көрсету бойынша кең ауқымды әлеуметтік жоба аясында 26 сәуірден 5 желтоқсанға дейін 17 өңірдегі 121 шалғай станциясы арқылы жүрді.

«Комиссияның қолдауымен алғаш рет осы жоба шеңберінде халыққа көрсетілетін қайырымдылық көмек пен көрсетілетін қызметтер пакеті едәуір кеңейтілді: медициналық консультациялар мен диагностикадан басқа, алыс ауылдағы елді мекендердің тұрғындарына медиативтік-құқықтық және психологиялық көмек көрсетілді, жанжалдарды шешу, өтініштерді қабылдау, азаматтардың құқықтары мен мүдделерін қорғау бойынша шаралар қабылданды», - деп атап өтті Аида Балаева.

Жалпы жоба 90 мыңнан астам ауыл тұрғындарын қамтыды. Кәсіби медиаторлар мен адвокаттар 9 мыңнан астам азаматқа көмек көрсетті. Оның 5720-сы әйелдер, 611-і облыстық әйелдер кәсіпкерлігі орталықтарына жіберілді, 98-і жұмысқа орналасты, 388-і балаларына алимент ала бастады, 60-ына шағын кәсіп ашуға құжаттарын рәсімдеуге көмек көрсетілді.

Ұлттық комиссияның қолдауымен «Самұрық-Қазына» АҚ компаниялар тобының басқару органдарындағы әйелдер үлесін арттыруға бағытталған «Гендерлік теңдік» арнайы жобасы жасалды.

Ол Мемлекет қатысатын компаниялардағы басшы қызметтерде әйелдердің 30%  өкілдігі туралы Мемлекет басшысының тапсырмасын жүзеге асыру тетіктерінің біріне айналды.

«Самұрық-Қазына» АҚ корпоративтік басқару, әлеуметтік-еңбек қатынастары және еңбек қауіпсіздігі жөніндегі басқарушы директоры Ғибрат Ауғановтың айтуынша, қор бұл көрсеткішке 7 жыл ішінде қол жеткізуді жоспарлап отыр.

Қазіргі уақытта Қордың компаниялар тобында Директорлар кеңесі мен Бақылау кеңестеріндегі әйелдердің үлесі 13%, атқарушы органдарда 17% құрайды.

Сондай-ақ, «Гендерлік теңдік» бағдарламасын іске асыру қорытындысы бойынша Қордың бірнеше қызметкері Ұлттық комиссияның мүшесі болып, тағы 15 көшбасшы әйел тәуелсіз сарапшылар және комиссияның өңірлік бөлімшелерінің спикерлері болып тағайындалды.

Бағдарламаның нәтижесінде 68 көшбасшы әйелді қамтитын пул құрылды.

Балалардың қоршаған әлемге деген қызығушылығын арттыруға, еліміздің тарихи-сәулет ескерткіштерін зерделеуге, Отанға деген сүйіспеншілік пен отансүйгіштікке тәрбиелеуге бағытталған «Туған елге саяхат» қайырымдылық балалар пойызы» жобасы аяқталды.

Үш ай жаз кезінде 10-15 жас аралығындағы 600 бала Қазақстанның көрікті жерлерін аралап, экскурсиялық пойызда ұмытылмас демалыс өткізді.

Қазақстан бойынша саяхат балалардың «Мен өз өлкемді дамытқым келеді» шығармашылық жұмыстарының жалғасы және тарихи және сәулет ескерткіштерін зерттеудегі жаңа зерттеулердің басы болды.

«Самұрық-Қазына» АҚ-мен бірлескен жұмыс нәтижесінде маңызды жобалар жүзеге асырылды. Нәтижелері қуантарлық. Қоғам сұранысына сай әлеуметтік жобаларды іске асыруда сенімді әріптестік орнатқан компанияларға алғыс айтамыз. Жауапты жұмыспен қатар белсенді қоғамдық өмірге де атсалысқан әйелдерге ризашылығымды білдіремін», - деп түйіндеді сөзін Аида Балаева.