Бүгін «Астана жастары» жастар ресурстық орталығында жастарды жүйелі және жан-жақты қолдау мәселелері талқыланды. Іс-шараға ҚР Парламенті Сенатының депутаттары, UNICEF, ufpa халықаралық ұйымдарының өкілдері, мәдениет және ақпарат министрлігінің қызметкерлері, сондай-ақ басқа да бірқатар ОМО, Денсаулық сақтау және жастар саясаты саласындағы сарапшылар қатысты.

Қатысушылар ресурстық орталықтың қызметімен, оның негізгі бағыттарымен танысты, алдағы жобаларды талқылады.

ҚР МАМ жастар және отбасы істері комитетінің төрағасы Қайрат Қамбаров 2023 жылы Жастар ресурстық орталықтары жұмысының қорытындысын жариялады. Өздеріңіз білетіндей, ЖРО жастардың әлеуметтік және жеке дамуына ықпал етуге, жастар ұйымдарының қызметін қолдауға, сондай-ақ ақпараттық және консультациялық қызметтер көрсетуге арналған. Өңірлерде 232 орталық жұмыс істейді, оның ішінде 16 - облыстық, 37 - қалалық, 179 - аудандық.

Сондай-ақ, кездесуде жастардың мемлекеттік бағдарламалармен қамтылу деңгейі мен мәселелері, денсаулық сақтау мәселелері және жүргізіліп жатқан мемлекеттік жастар саясаты туралы хабардар болу мәселелері талқыланды.

Айта кетейік, кездесу «Демографиялық өсу – ұлттың бәсекелестік артықшылықтарының негізі» тақырыбындағы Үкіметтік сағатына дайындық аясында ұйымдастырылды.