ҚР Cауда және интеграция министрлігінде ү.ж. 12 ақпанында ҚР Сыбайлас жемқорлыққа қарсы іс-қимыл агенттігінің қолдауымен «Сыбайлас жемқорлыққа қарсы заңнаманың талаптары және мемлекеттік қызметшілердің этикалық нормаларды сақтау» тақырыбында оқыту семинары өтті.

Министрліктің орталық аппараты қызметкерлерінің алдында ҚР Сыбайлас жемқорлыққа қарсы іс-қимыл агенттігінің басқарма басшысы Мирас Қарғабай сөз сөйледі. Ол сыбайлас жемқорлыққа қарсы саясатты іске асырудағы жетістіктерін атап өтіп, адалдық пен әділдік қағидаттарына негізделген мемлекеттік қызмет атқарудың жауапкершілігін еске салды.

«Ұйымды қорғау және ықтимал тәуекелдердің алдын алу мақсатында сыбайлас жемқорлыққа қарсы іс-қимыл шараларының жүйесі бар, ол мониторинг жүргізуді, сыбайлас жемқорлық тәуекелдерін талдауды, мәдениетті қалыптастыруды, сыбайлас жемқорлыққа қарсы шектеулерді сақтауды және мүдделер қақтығысын реттеуді қамтиды. Сауда және интеграция министрлігі департаменттерден, комитеттерден, аумақтық органдардан және ведомстволық бағынысты ұйымдардан тұрады. Адамдардың өтініштеріне, құқықтық статистикаға, БАҚ-та сөйлеген сөздеріне, НҚА талдауына және әлеуметтік сауалнамаларға мониторинг жүргізу нәтижелері бойынша сыбайлас жемқорлық тәуекелдеріне неғұрлым бейім құрылымдық бөлімшелерді анықтауға болады", - деп хабарлады басқарма басшысы.

Іс-шараны Министрліктің Әдеп жөніндегі уәкілі мемлекеттік қызметшілерге олардың құқықтары мен міндеттерін атқаратын мемлекеттік лауазымдардағы қолданыстағы шектеулерді, сондай-ақ сыбайлас жемқорлық құқық бұзушылықтарға қарсы іс-қимыл қажеттілігін түсіндіру мақсатында ұйымдастырды.