Қазақстанда «Мәдениет» онлайн-порталы іске қосылып, барлық материалдар Біріккен Ұлттар Ұйымының ресми тілдерінде, сондай-ақ қазақ және түрік тілдерінде ұсынылатын болады.

Бұл туралы ҚР Мәдениет және ақпарат министрлігінің кеңейтілген алқа отырысында Мәдениет және ақпарат министрі Аида Балаева мәлімдеді.

Аталмыш порталда Қазақстанның тарихы мен мәдениеті араб, ағылшын, қытай, орыс, түрік, француз, испан, түрік және қазақ тілдерінде насихатталатын болады.

Қазақстан мәдениетінің түрлі салаларына арналған бөлімдерде таланттар, елдің даму мүмкіндіктері, театр қойылымдары, қазақстандық киноиндустрия, мұражайлар, кітапханалар, мұрағаттар, туристік орындар, қолөнер, сондай-ақ Қазақстанның сәулет өнеріндегі жетістіктері туралы ақпараттар ұсынылады.

Әлемдік қоғамдастық назарын Қазақстанның мәдени мұрасы мен сан қырына аудару үшін бұл сайтты ашу –  маңызды қадам.

Аталған жоба 2024 жылдың 1-наурызында жүзеге асады.

ҚР Мәдениет және ақпарат министрлігінің баспасөз қызметі