Аида Балаева Ұлттық музей жанынан реставрация орталығы құрылатынын айтты

15-02-2024, 13:55 Думан Кенжеғазыұлы

Бүгін ҚР Мәдениет және ақпарат министрлігінің кеңейтілген алқа отырысында Мәдениет және ақпарат министрі Аида Балаева музей қызметі саласындағы жұмыс жоспарларын бөлісті.

Оның айтуынша, елдегі 3 музейдің ғимаратымен қатар ішкі экспозициясын да заман талабына сай модернизациялау көзделген.

«Ұлттық музей жанынан ұлтымыздың сан ғасырлық тарихынан сыр шертетін құндылықтарымыздың өміршеңдігін сақтап қалуға жағдай жасайтын ауқымды реставрация орталығы құрылады. Өйткені, тарихи мұраларды қалпына келтіру, қорғау, насихаттау үшін бұл маңызды мәселелердің бірі. Сонымен бірге олардың ішкі мазмұнын байытуға ерекше көңіл бөлінеді. Сондықтан алыс-жақын шетелдердегі біздің тарихи құнды мұраларымызды қайтару басты назарда. Бүгінде халықаралық заңнамаға сәйкес, Ресей, Өзбекстан, Қытай және Еуропаның бірқатар елдерімен тиісті жұмыстарды бастап кеттік», – деді министр.

Сонымен қатар Аида Балаева 12 мұражай-қорықтың ұлттық маршрутын мәдени-рухани мазмұнмен күшейту мәселесі қолға алынатыны туралы мәлімдеді. Ол үшін арнайы тұжырымдама жасалатын болады

«Өздеріңізге мәлім, қазіргі таңда Қазақстандағы тарихи-мәдени нысандарды ЮНЕСКО-ның Бүкіләлемдік мұра тізіміне енгізу жұмыстары жалғасуда. Осы мақсатта Отырар, Сығанақ, Күлтөбе-Яссы, Жанкент, Сауран, Жеті Асар тарихи орындарының тиісті құжаттары әзірленген болатын. Бұл жұмыс оңай болып жатқан жоқ, өйткені, ЮНЕСКО-ның ең маңызды талаптарының бірі жәдігердің физикалық жағдайы», – деп атап өтті министр.

Музей-қорықтар мен тарихи-мәдени объектілердің аумағын абаттандыру, жол жүргізу, жөндеу, ескерткіштерге апаратын жол көрсеткіштерді, интернет жүйелерін, модульдік дәретханалар орнату және т.б. инфрақұрылымдарды дамыту немесе сапасын жақсарту бойынша жергілікті органдардың көмегімен белсенді жұмыстар жүргізілетін болады.

Тағыда оқыңыз

Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына Жолдауы Қасым-Жомарт Тоқаев: Біз озық ойлы ұлт ретінде тек қана алға қарауымыз керек Қазақстан Республикасының Президенті мен Ресей Федерациясы Президентінің бірлескен мәлімдемесі Мемлекет басшысы Қасым-Жомарт Тоқаевтың VIII сайланған Парламенттің бірінші сессиясының ашылуында сөйлеген сөзі Қазақстан мен Ресей арасындағы ынтымақтастықтың тарихы бай және болашағы жарқын

Бізге ақпарат жолдаңыз Телеграмдағы каналымыз

Аида Балаева Ұлттық музей жанынан реставрация орталығы құрылатынын айтты

Пікірлер (0)