Абай облысы әкімі аппаратының басшысы Жасұлан Сәрсебаев жастар өкілдерімен кездесті. Жиынға жастар ұйымдарының көшбасшылары, қоғам белсенділері, жастар мәслихатының депутаттары, ЖОО студенттері мен түлектері қатысты.

Кездесу еркін форматта өтті. Онда мемлекеттік қызметтің артықшылықтары талқыланып, өңірлік кадр резервіне іріктеу туралы толық ақпарат берілді. Аппарат басшысы өзінің еңбек тәжірибесімен бөлісе отырып, жас мамандарға мемлекеттік басқару саласындағы заманауи үрдістер мен жаңалықтарды айтты. Өз кезегінде жастар өздерін қызықтырған сұрақтарын қойды.

Әр аптаның сәрсенбі күні Абай облысы әкімдігінің ресми сайтында және әлеуметтік желідегі ресми парақшаларында бос жұмыс орындарының тізімі жарияланады. Өз кезегінде Жасұлан Сәрсебаев өңір жастарын мемлекеттік қызметке орналасу мүмкіндігін қарастыруға шақырды.