Бақылау басқармасы (МСҚБ, еңбек инспекциясы) мемлекеттік сәулет-құрылыс бақылауы мен қадағалауды және лицензиялауды, аттестаттауды жүзеге асырып, осы саладағы заңдылықты қадағалайды.

Қазір сәулет-құрылыс бақылау және қадағалау саласында 121 жоспардан тыс тексеру жүргізіліп, 90 субъект әкімшілік жауапкершілікке тартылды, 90 ұйғарым берілді. Жалпы, жалпы сомасы - 57,03 млн теңгеге 305 әкімшілік іс қозғалды, оның ішінде 91 әкімшілік іс әкімшілік сотқа шешім қабылдау үшін жіберілді.

«Тұрғын үй құрылысына үлестік қатысу туралы» заңының 7-бабына сәйкес тұрғын үй құрылысына үлестік қатысу 3 бағытта ұйымдастырылады: бірыңғай оператордың кепілдігін алу, екінші деңгейдегі банктің жобасына қатысу, көппәтерлі тұрғын үйдің негізгі бөлігін салғаннан кейін үлескерлердің ақшасын тартуға болады.

Көппәтерлі тұрғын үйлер салу үшін жеке және заңды тұлғалардың ақшасын осы бапта көзделмеген өзге де тәсілдермен тартуға тыйым салынған.