Солтүстік Қазақстан облысында  су тасқыны басталғалы бері Ұлытау облысының құтқарушылар тобы тәулік бойы адамдарды құтқарып, эвакуациялау жұмыстарын жүргізуде. Қиын сәтте тәуекелге барған, құтқару жұмыстарына да атсалысып жүрген Ұлытау облысының құтқарушысы Алибек Жаменкенов. Алибек ТЖД Жедел-құтқару жасағында 2021 жылдан бастап қызмет етеді.

Бұл салаға келгеніне көп болмасада Алибек қатарының алды, өз ісіне тиянақты, жұмысына жауапты құтқарушы-сүңгуір. Аз уақыттың ішінде адам өмірін түрлі апаттардан және төтенше оқиғаның алдын алуға аянбай еңбек етіп жүрген жас құтқарушылардың бірі.

2001 жылы дүниеге келген Алибек өзін ешқашан құтқарушы боламын деп ойламаған ол, қазір осы мамандық иесі атанғанына еш өкінбейді.

Қазір Әлібек Солтүстік Қазақстан облысының елді мекендерінде су тасқынынан қорғау үшін қаптардан бөгеттер құра отырып, азаматтарды эвакуациялауға және су тасқынына қарсы іс-шараларға белсенді қатысады.

Құтқарушының ең басты міндеті – адамдар өмірін құтқару, бұл өте жауапты миссия. Батырлар-біздің арамызда!