Көлік министрлігінде әлеуметтік маңызы бар қатынастар бойынша тасымалдаушылардың қатысуымен теміржол көлігінде әлеуметтік маңызы бар жолаушылар тасымалдарын субсидиялау мәселесі бойынша кеңес өтті.

Кеңесте теміржол жолаушылар тасымалын субсидиялауды регламенттейтін нормативтік-құқықтық актілерді қайта қарау, жолаушылар вагондарын жаңарту мәселелері талқыланды. Сондай-ақ тасымалдаушылардың қызметі жөніндегі министрліктің атына келіп түскен шағымдар және поездардың бәсекелестігі үшін мүмкіндіктер жасауды ескере отырып, маршруттық желіні қайта қарау бойынша мәселе көтерілді.