Абай облысында «Мерейлі отбасы – 2024» ұлттық байқауына өтінімдер қабылдау басталды
![](/uploads/posts/2024-05/1653280246-7eb954d9bd39d4316fd45c197d45477c.webp)
2024 жылдың 15 мамыр мен 15 маусым аралығында облыста «Мерейлі отбасы» ұлттық байқауының аудандық және қалалық кезеңдері өтеді.
«Мерейлі отбасы» ұлттық конкурсы адамгершілік құндылықтарды жаңғыртуға және отбасы мен некенің (ерлі-зайыптылықтың) жағымды үлгісін дәріптеуге, отбасы мәртебесін арттыруға бағытталған.
Конкурсқа қатысуға мүшелерінің еңбекте, спортта, шығармашылық, зияткерлік, ғылыми жетістіктері бар, сондай-ақ, қоғамдық пайдалы қызметке атсалысатын (волонтерлік, қайырымдылық, меценаттық, тәлімгерлік) отбасылар жіберіледі.
Байқау кезеңдері:
- 15 мамыр – 15 маусым: Облыстық және қалалық кезеңдерге қатысуға өтінімдерді қабылдау.
- 16 – 30 маусым: Өңірлік комиссиялардың отырыстары. Отырыстар барысында облыстық кезеңге қатысу үшін әр аудан/қаладан екі отбасы іріктеліп алынады.
- 1 – 15 шілде: Байқаудың облыстық кезеңі. Комиссия «Мерейлі отбасы – 2024» ұлттық байқауының лауреаты атанатын бір отбасын анықтайды.
Толық ақпаратты 8 (705) 853 82 13 телефоны арқылы алуға болады.