Қазақстан халқы Ассамблеясы Ақсақалдар Кеңесінің «Адал адам – Адал еңбек – Адал табыс» атты диалог алаңы өтті » 018.kz

Қазақстан халқы Ассамблеясы Ақсақалдар Кеңесінің «Адал адам – Адал еңбек – Адал табыс» атты диалог алаңы өтті

16-05-2024, 09:50 Сабина Әлібек

Шара Абай облысының ішкі саясат басқармасы басшысының орынбасары Н. Аққожинаның, облыстық ардагерлер кеңесінің төрағасы М. Әлиннің, Абай облысы Қазақстан халқы Ассамблеясының ғылыми-сараптамалық тобының төрағасы А. Базеновтың және Абай облысының қалалары мен аудандарының Ақсақалдар кеңесінің төрағаларының қатысуымен өтті.

Ақсақалдар кеңесінің кезекті отырысында Қазақстан Республикасының Президенті Қасым - Жомарт Тоқаевтың 2024 жылғы 15 наурыздағы Ұлттық құрылтайындағы айтқан мәселелерінің негізгі тұстары мен Халық Ассамблеясының «Бірлік, Жасампаздық. Прогресс» сессиясындағы мәселелер талқыланды.

«Ұлттық құрылтай мүшелерінің жыл сайынғы кездесулері жақсы дәстүрге айналды. Биыл 15 наурызда Қазақстан Республикасы Президентінің жанындағы Ұлттық құрылтайдың үшінші отырысы Атырау қаласында өткенін білесіздер.Осылайша, бүгінгі отырысымызда мемлекет басшысы Ұлттық құрылтайда айтылған Қазақстан дамуының ауқымды мәселелері мен Қазақстан халқы Ассамблеясының «Бірлік. Жасампаздық. Өрлеу» атты ХХХІІI сессиясын талқылау және түсіндіру қозғалады»,- деп атап өтті Абай облысының Ақсақалдар кеңесінің төрағасы Оралхан Сартаев.

Жиын облыстың қалалық және аудандық Ақсақалдар кеңестерінің төрағалары үшін алғаш рет ZOOM-конференциясы арқылы онлайн форматта ұйымдастырылды.

Шара барысында облыстық ішкі саясат басқармасы басшысының орынбасары Н. Аққожина жас буын үшін ақсақалдардың айтқан сөздері қоғамда маңызды рөл атқаратынын жеткізді.

«Бүгін сіздермен «Адал адам - Адал еңбек-Адал табыс» атты Ақсақалдар кеңесінің екінші отырысында жүздесіп отырғаныма өте қуаныштымын. Бүгінгі басқосудың негізгі мақсаты - прогрессивті ұлтқа айналу және қоғамдық санада жаңа құндылықтарды сіңіру. Бұл тұста өздеріңіздің, яғни ақсақалдар кеңесінің еңбегі, орны орасан зор. Біз халқымыздың игі дәстүрлері мен ұлттық қазынасын сақтап қалуда өздеріңіздің, аға буынның ақыл кеңесіне жүгінеміз. Осы орайда президентіміздің сөзін бағдарға ала отырып, өңіріміздің дамуын Ақсақалдар кеңесімен бірлесе отырып қызмет атқарамыз деп сенемін»,- деді Н. Аққожина.

Тағыда оқыңыз

Мемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзі Мемлекет басшысы Қасым-Жомарт Тоқаевтың Қазақстан халқы Ассамблеясының «Бірлік. Жасампаздық. Өрлеу» атты ХХХІІІ сессиясында сөйлеген сөзі Қасым-Жомарт Тоқаев: Біз озық ойлы ұлт ретінде тек қана алға қарауымыз керек Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына Жолдауы Мемлекет басшысы Қасым-Жомарт Тоқаевтың VIII сайланған Парламенттің бірінші сессиясының ашылуында сөйлеген сөзі

Бізге ақпарат жолдаңыз Телеграмдағы каналымыз

Қазақстан халқы Ассамблеясы Ақсақалдар Кеңесінің «Адал адам – Адал еңбек – Адал табыс» атты диалог алаңы өтті

Пікірлер (0)