ҚР Парламенті Сенатының депутаттары Дархан Қыдырәлі мен Алишер Сатвалдиев Түркі мемлекеттері Парламенттік Ассамблеясы Ұлттық қорғаныс комитеттері төрағаларының алғашқы отырысына қатысты. Отырысқа қатысушылар ТүркПА-ға мүше мемлекеттер арасындағы қорғаныс және қауіпсіздік салаларындағы өзара іс-қимылды күшейту мәселелерін талқылады.

Сенатор Дархан Қыдырәлі өз сөзінде геосаяси шиеленіс пен қарулы қақтығыстардың, сауда соғыстары мен терроризмнің күшейе түсуімен қатар бүгінгі әлем елеулі проблемаларға тап болып отырғанын атап өтті. Сондықтан қауіпсіздік мәселесі жаһандық күн тәртібін қалыптастыруда шешуші рөл атқарады. Бұл проблема бүкіл әлемге ортақ болғандықтан қауіп-қатерге қарсы тұруда бірлескен шешім іздестіру қажет.

Сенаторлар сонымен қатар Анкара қаласындағы Қорғаныс өнеркәсібі басқармасында да болды.