Қазіргі уақытта ауылдық жерлерде медициналық қызмет сапасын жақсартуға көп көңіл бөлінуде.

Мемлекет Басшысы Қасым-Жомарт Кемелұлы Тоқаевтың тапсырмасы бойынша «Ауылдық денсаулық сақтауды жаңғырту» пилоттық жобасы іске асырылуда. «Семей медицина университеті» КеАҚ бұл ауқымды бастаманы жүзеге асыруға үлес қосып жатыр.

Қазақстан Республикасының Денсаулық сақтау министрі А.Ш. Әлназарованың және Абай облысының әкімі Н.Т. Ұранхаевтың тапсырмасына сәйкес «Семей медицина университеті» КеАҚ профессор-оқытушыларынан құралған мобильді көпсалалы топ аудандарды аралады.

Топ құрамында жоғары білікті мамандар, профессорлар, медицина ғылымдарының докторлары бар.

Сапар барысында пульмонологтар, хирургтар, акушер-гинекологтар, педиатрлар қабылдау жүргізді. 

Мобильді көпсалалы топ Абай облысының Жарма, Аягөз, Үржар және Мақаншы аудандарының елді мекендеріне барды.

Бұл топтың сапарға шыққандағы мақсаты мақсаты – аудандардағы денсаулық сақтау саласы мекемелерінің мамандарына практикалық және әдістемелік көмек көрсету.