Нұртөре Жүсіп қазақ тілінің заң терминологиясын жүйелеу қажеттігі туралы айтты
Сенаттың Әлеуметтік-мәдени даму және ғылым комитетінің депутаттары Нұртөре Жүсіп пен Айгүл Қапбарова Қазақстан Республикасының Үкіметі жанындағы Мемлекеттік тіл саясатын іске асыру жөніндегі комиссия отырысына қатысты. Шараға қатысушылар аударма ісінде мамандар даярлау мәселесін және қазақ тілін дамыту туралы ұсыныстарды талқылады.
Нұртөре Жүсіп өз сөзінде заң терминологиясын жүйелеуге кәсіби мамандарды тарту және мемлекеттік органдар мен білім беру мекемелерінің ресурстарын пайдалану қажеттігін атап өтті.
«Қазіргі уақытта салалық терминология жұмысын жүйелеу, оның ішінде заң терминдерін біріздендіру мәселесі өте маңызды. Менің ойымша, құқықтық терминдерді қалыптастыру жөнінде кәсіби мамандар тобын құру, осы жұмысқа білікті заңгерлерді тарту қажет. Қазіргі уақытта заң жобаларын мемлекеттік тілде жазатын мамандар, қызметкерлер бар, тек оларды ынталандыру, осы бағыттағы жұмысты жүйелеу керек және қарқын беру қажет. Бұл ретте ғылым және жоғары білім, әділет министрліктерінің, мемлекеттік органдар мен депутаттық корпустың әлеуетін пайдалану орынды деп санаймын», - деді Нұртөре Жүсіп.
Сенатор жасанды интеллект енгізу және тілді заңнамалық қызметке кіріктірудің қолданыстағы әдістерін түрлендірудің маңыздылығын атап өтті, бұл комиссияның басым міндеттерін тиімді шешуге мүмкіндік беретін болады.
Тағыда оқыңыз
Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына ЖолдауыМемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзіМемлекет басшысы Қасым-Жомарт Тоқаевтың VIII сайланған Парламенттің бірінші сессиясының ашылуында сөйлеген сөзіҚасым-Жомарт Тоқаев: Біз озық ойлы ұлт ретінде тек қана алға қарауымыз керекҚазақстан Республикасының Президенті мен Ресей Федерациясы Президентінің бірлескен мәлімдемесі