Қазақстан Республикасы Парламенті Сенатының депутаты Серік Өтешов Еуразиялық топқа мүше мемлекеттер парламенттері өкілдерінің қылмыстық кірістерді заңдастыруға және терроризмді қаржыландыруға қарсы іс-қимыл жөніндегі ІІІ-ші форумының жұмысына қатысты.

Сенатор жаңа технологияларды енгізуге байланысты ақшаны жылыстатуға қарсы іс-қимыл және терроризмді қаржыландыру қатерін заңнамалық реттеу мәселесін басқа елдерден келген әріптестерімен бірге талқылады.

Серік Өтешов өз сөзінде ақшаны жылыстату және терроризмді қаржыландыру қатері мен қаупін жоюда құқықтық реттеу маңызды рөл атқаратынын атап өтті. Қазіргі уақытта елдердің қаржы жүйесін айналып өтуде анонимді жүретін криптовалюта қаскүнемдердің сұранысқа ие құралы болып табылады. Сенатор біздің елімізде цифрлық активтердің айналымын және олардың іс жүзіндегі нәтижелерін реттеу үшін енгізілген заңнама жаңалықтары туралы форумға қатысушыларға айтып берді.