Жедел жәрдем станциясы мен лифтілер мен жеделсатыларға қызмет көрсететін бірнеше компания арасында Семей қаласы әкімдігінің ұйымдастыруымен меморандум жасалды. Жасалған меморандумның арқасында жедел жәрдем дәрігерлері көпқабатты үйлердің кіреберістеріне кедергісіз кіріп, қажетті қабаттарға жеделсаты арқылы көтеріле алады.

Қала әкімінің орынбасары Арайбек Хамзаев қала әкімшілігі кез келген маңызды бастаманы қолдауға әрқашан дайын екенін атап өтті.

Жедел медициналық жәрдем станциясының директоры Владимир Ли дәрігерлерге көмек көрсету өте маңызды екенін айтты.

Көпқабатты үйлердегі лифттерден барлығы 36 жедел жәрдем бригадасы карталарды алды. Әрбір картада жеке нөмір бар, бұл оны пайдаланатын бригада нөмірі. Картаның артқы жағында лифт бұзылған жағдайда апаттық қызметтердің барлық нөмірлері көрсетілген.