Абай облысының құрылуымен Семей қаласы қайта жанданып келеді. Ұзақ жылдардан кейін қалпына келтірудің барлық қиындықтарына қарамастан, облыс қазірдің өзінде жетістіктерімен жарқырап келеді. Ірі логистикалық және инвестициялық жобаларды іске қосу, жаңа заманауи қоғамдық кеңістіктерді жайластыру және т.б. болашаққа нақты оптимистік жоспарлармен нық қадам басуда. 

Бірақ қала тұрғындары сағынышпен еске алатын бір жоба бар. Ертіс өзенінің ортасындағы аралда орналасқан балалар теміржолы бір кездері балалық шақтың, демалыстың символы болған. 

Оны қалпына келтіру жоспарланып отырғаны туралы облыс әкімі Нұрлан Ұранхаев Семей қаласында өткен ҚР Президенті жанындағы Орталық коммуникациялар қызметінің көшпелі брифингі барысында айтты. Өткен жылы тепловоз жасалып, вагондар құрастырылып жоба іске аса бастады.

Биыл көктемде балалар теміржолы орналасқан жерде жағалауды қалпына келтіру жұмыстары жүргізілді. Аумақты құлаған, әрі құрғақ ағаштардан, өсіп кеткен шөптер мен қоқыстардан тазарту қажет болды. Жол бойында су өткізу құбырлары тазартылды, олар ұзақ уақыт бойы бітеліп тұрған еді.

Бірінші кезеңде теміржолдың ұзындығы көпірден биологиялық орталыққа дейін екі шақырымды құрайды. Айта кету керек, 30 жыл ішінде қираған қоқыс полигонына айналған үйінді мен жолдар тазартылды. 

Бүгінде тепловоз және вагондар дайындалып, Семей қаласына жөнелтілді. Вагондарды өндірумен, тепловоздармен, басқа да теміржол техникасын шығаратын Қамбар машина жасау зауыты айналысады. 

Мұндай әлеуметтік маңызы бар орындарды жайластыру бюджет есебінен емес, демеушілердің қаражатына жүргізіледі. Балалар теміржолының жандануы қаланың байырғы тұрғындары үшін де, жалпы Абай облысының имиджі үшін де үлкен маңызға ие. Өйткені, әр қалада мұндай жол бола бермейді. Көлік байланысының ыңғайлылығы туралы айтпағанда, тәрбиелік фактор да өз рөлін атқарады.

Жолдың бірінші кезегінің ашылуы осы жылдың жазының соңында деп жоспарлануда. Композицияның бұрынғыдан айырмашылығы, жыл бойы жұмыс істейді, вагондарды қыста жылыту қарастырылған.