Шошқалы көлінде «Таза жағалау» акциясы өтті
Бесқарағай ауданының Шошқалы көлінде аудандық жастар орталығының қатысуымен «Таза Қазақстан» республикалық акциясы аясында «Таза жағалау» шарасы өтті. Оған 50-ге жуық адам қатысты.
Акцияның мақсаты – көл жағасын қоқыстан тазартып, санитарлық тәртіпті сақтау, сондай-ақ қоршаған ортаға қамқорлықты насихаттау. Акцияға қатысушылар пластик ыдыстарды, шыны, қағаз және металл қалдықтарын жинау жұмыстарын жүргізді. Барлық жиналған қалдықтар арнайы полигонға шығарылды.
«Акцияға қатысқан жастар туған жердің тазалығына өз үлестерін тигізіп, уақыттарын пайдалы өткізді деп ойлаймын. Бұл шараны жыл сайын өткізуді жоспарлап отырмыз», - дейді Бесқарағай аудандық жастар ресурстық орталығының директоры Арыстан Сабыров.
Айта кетейік, акция жыл сайын өткізіліп, нәтижесінде 2 тоннаға дейін түрлі қоқыс шығарылады.
Тағыда оқыңыз
АБАЙ ОБЛЫСЫ: ҚАЛА МЕН АУДАН ӘКІМДЕРІНІҢ РЕЙТИНГІМемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзі«Таза Қазақстан» акциясы аясында Абай облысының қалалары мен аудандарында ауқымды тазалау жұмыстары жүргізілдіҚалдықтардың қалыптасу көлемі, логистика мен қажетті инфрақұрылымды тиімді орналастыру: Қалдықтарды басқару саласын инвестиция үшін қалай тартымды етуге боладыМемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына Жолдауы