Семейде спорт сүйер қауым үшін «Qazaq Marathon Abay» марафоны ұйымдастырылып жатыр. Іс-шара Абай атындағы алаңда басталды, содан кейін қатысушылар қаланың көрікті жерлерімен жүгіреді. Жүгіруге 1000-нан астам әуесқой спортшы қатысып отыр.

Қатысушыларға физикалық мүмкіндіктеріне сәйкес қашықтықты таңдау мүмкіндігі берілді: 21 км, 10 км, 5 км, 10 км (скандинавиялық жаяу жүріс) және2 км (балаларға арналған қашықтық). Жарыстың жалпы жүлде қоры 5,4 млн теңгені құрады.

Семейдегі Qazaq Marathon 2024 марафонның екінші кезеңі болды. Ұйымдастырушылар жылсоңына дейін еліміздің басқа өңірлерінде осындайбес іс-шара өткізуді жоспарлап отыр.

Әр жарысты өткізгеннен кейін ұйымдастырушылар қалаларда кәсіби жаттықтырушылар басқаратын жүгіру мектептерін ашуды жоспарлап отыр. Бұл мектептерде балалар тегін оқи алады, ал уақыт өтекеле ересектер де қосыла алады.