АҚШ-қа жұмыс сапары барысында Қазақстан Республикасы Цифрлық даму министрлігінің делегациясы министр Жаслан Мәдиевтің басшылығымен Microsoft компаниясының өкілдерімен кездесу өткізді. Кездесудің негізгі мақсаты - Қазақстанның цифрлық экожүйесін дамытуға бағытталған ынтымақтастықты нығайту және инновациялық жобаларды іске асыру мәселелерін талқылау.

Microsoft Azure деректер орталығын Қазақстанда құру туралы келіссөздер жалғасты. Бұл жоба бұлттық технологиялар инфрақұрылымын дамытуға бағытталған және елдің цифрлық трансформациясына оң әсерін тигізеді.

Microsoft-тың жасанды интеллектіні (AI) мемлекеттік технологиялық қызметтерді (GovTech) жақсарту үшін пайдалану мүмкіндіктері талқыланды. Ерекше назар AI технологияларын қолдану этикасы мен қауіпсіздігіне аударылды. AI шешімдерін интеграциялау мемлекеттік қызметтердің тиімділігі мен сапасын айтарлықтай арттырып, оларды азаматтар үшін қолжетімді әрі ыңғайлы етеді.

Кездесу барысында Copilot сияқты жасанды интеллект негізіндегі инновациялық шешімдер, әртүрлі платформаларға (ПК, MW) арналған құралдар, әзірлеушілерге арналған құралдар және деректермен жұмыс істеу шешімдері де талқыланды. Бұл шешімдерді Microsoft платформаларымен және басқа клиенттік платформалармен интеграциялау, сондай-ақ икемділік пен масштабталуды арттыру үшін гибридтік бұлтты пайдалану мәселелері қарастырылды.

Microsoft-тың озық AI шешімдерін қолдану қазақстандық компанияларға инновацияларды енгізуге және жаһандық нарықта өздерінің бәсекеге қабілеттілігін арттыруға көмектеседі.

Сонымен қатар, Microsoft-пен ынтымақтастық IT мамандарын дамытуға және білім беру бағдарламаларын жақсартуға ықпал ететін заманауи құралдар мен технологияларға қолжетімділікті қамтамасыз етеді.