Аягөз ауданындағы «Питомник» аумағында тазалық жұмыстары жүргізілді
Аягөз ауданында республикалық «Таза Қазақстан» экоакциясы аясында «Питомник» аумағындағы қоқыстарды шығару жұмыстары жүргізілді.
Шараның басты мақсаты – «Таза Қазақстан» акциясы аясында табиғат пен туған өлкенің тазалығын сақтауға жастардың қызығушылығын ояту. Акцияға туған жердің тазалығын сақтауға, абаттандыруға үлес қосқан 40-тан астам жас белсене қатысты. Шара нәтижесінде аумақ қоқыстан тазартылып, барлығы 37 қап қоқыс жиналды.
Аягөздің белсенді жастар өкілі Мәдина Дәулетбек «Таза Қазақстан» экологиялық акциясына қолдау білдірді.
– «Таза Қазақстан» акциясы аясында біз «Питомник» аумағын қоқыстан тазартып жатырмыз. Бұл біздің аз болса да, қаламыздың дамуына қосқан үлесіміз деп білеміз. Барлық аудан тұрғындарын экоакцияға қатысуға шақырамыз. Мен туған жерімнің патриоты ретінде өскелең ұрпаққа үлгі болатын осындай ауқымды шараға қатысқаныма қуаныштымын, - дейді Мәдина Дәулетбек.
Ауданда «Таза Қазақстан» республикалық экоакциясы аясындағы іс-шаралар алдағы уақытта да жалғасын табады.
Тағыда оқыңыз
Мемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзіМемлекет басшысы Қасым-Жомарт Тоқаевтың Қазақстан халқы Ассамблеясының «Бірлік. Жасампаздық. Өрлеу» атты ХХХІІІ сессиясында сөйлеген сөзі«Таза Қазақстан» акциясы аясында Абай облысының қалалары мен аудандарында ауқымды тазалық жұмыстары жүргізілудеМемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына ЖолдауыҚасым-Жомарт Тоқаев: Біз озық ойлы ұлт ретінде тек қана алға қарауымыз керек