Облыс орталығында жастар күніне арналған іс-шаралар легі жалғасуда. Семей қаласының ішкі саясат бөлімінің қолдауымен, «Шығыс жастары» қоғамдық қорының ұйымдастыруымен CS2 киберспорт ойынынан әкім кубогы өтті. 

Турнирге 8 команда қатысып, өздерінің мықтылығын дәлелдеу үшін бәсекелесті. Әр команда 5x5 форматында іріктеу кезеңдерінен өтіп, тартысты ойындар көрсетті. Жартылай финалдық кезеңге 4 команда шықты, ал финалға жеткен командалар өздерінің шеберлігін көрсетіп, көрермендерді таңқалдырды.

Турнир нәтижесінде, 1-орынды Wizard 72 квартал командасы жеңіп, әкім кубогін иеленді. 2-орынды JQ games командасы, ал 3-орынды Blackpink командасы еншіледі. Әр команда өз шеберлігін көрсетіп, керемет ойындар өткізді.

Айта кетейік, 12 тамыз – Халықаралық жастар күні қарсаңында қала жастары арасында зияткерлік ойындар мен семинар-тренинг және мерекелік концерт ұйымдастырылмақ.