2024 жылдың 10 тамызында Абай облысы Жарма ауданының Суықбұлақ ауылында ауыл азаматтарының бастамасымен, дүниеден өткен жас буынды еске алу мақсатында ас беріліп, түрлі спорттық іс-шаралар ұйымдастырылды.

Бұл шара ауыл тұрғындары арасында бірлікті нығайтуға және өткенді еске алуға бағытталған болатын. Асқа қатысушылар мен қонақтар тек өткендерді еске алып қана қоймай, ауылдың болашағы туралы ой бөлісті. Ас беру рәсімінен кейін ауылдың жас және ересек тұрғындары арасында спорттық жарыстар өтті.

Спорттық іс-шаралар барысында шағын футболдан турнир ұйымдастырылып, жарыстың қорытындысы бойынша жүлделі орындарға ие болған ойыншылар арнайы кубоктар, медальдар және ақшалай сыйақылармен марапатталды. Жүлделерді табыс ету барысында ауылдың белсенді азаматтары мен демеушілеріне шексіз алғыс білдірілді. Осы шараны ұйымдастыруға үлес қосқан азаматтарға арнайы Алғыс хаттар тапсырылды.

Бұл күн ауыл тұрғындары үшін есте қаларлықтай болды, себебі мұндай шаралар тек өткендерді еске алу ғана емес, сонымен қатар ауылдың спорттық және мәдени өмірін дамытуға ықпал етеді. Алдағы уақытта да осындай игі шаралардың жалғасын табатынына ауыл тұрғындары сенімді.