Қазақстан Республикасының Еңбек және халықты әлеуметтік қорғау министрлігі «Субсидияланатын жұмыс орындарын ұйымдастыру және субсидияланатын жұмыс орындарына жұмысқа орналасқан адамдардың жалақысын субсидиялау қағидаларын бекіту туралы» Қазақстан Республикасы Премьер-Министрінің орынбасары – Еңбек және халықты әлеуметтік қорғау министрінің 2023 жылғы 30 маусымдағы № 275 бұйрығына өзгерістер мен толықтырулар енгізу туралы» ведомство басшысы бұйрығының жобасын (бұдан – Жоба) әзірледі. Құжат жария талқылау үшін 2024 жылғы 26 тамызға дейін «Ашық НҚА» порталына орналастырылды.

Қағидаларға негізгі түзетулер (өзгертулер мен толықтырулар) мыналарды көздейді:

1. Өтінімдер қабылдау процесін оңтайландыру. Жұмыс берушілерден субсидияланатын жұмыс орындарын ұйымдастыруға өтінімдер қабылдаудың нақты мерзімдері белгіленді.
2. Автоматтандыру және цифрландыру. Жұмыс берушілердің талаптарға сәйкес келуін Электрондық еңбек биржасы арқылы автоматты түрде тексеруді ендіру, бұл жұмыс берушілердің тізбесін қалыптастыру процессін жеңілдетеді.
3. Жұмыс берушілердің арасында субсидияланатын жұмыс орындарын бюджет шегінде бөлетін норманы енгізу.
4. Жұмыс берушілердің субсидияланатын жұмыс орындарын ұйымдастыруға қайта қатысуының өлшемшарттарын айқындау, бұл ұзақ мерзімді жұмысқа орналастыруға ықпал етеді.
5. Еңбек мобильділігі орталықтарының «Азаматтарға арналған үкімет» мемлекеттік корпорациясы» коммерциялық емес акционерлік қоғамымен өзара іс-қимыл тәртібін белгілеу.

Осы Жобаны қабылдау теріс әлеуметтік-экономикалық және/немесе құқықтық салдарларға әкеліп соқпайды, сондай-ақ мемлекеттік бюджеттен қосымша қаржылық шығыстарды талап етпейді.

Құжатпен https://legalacts.egov.kz/npa/view?id=15165711 сілтемесі бойынша «Ашық НҚА» порталынан  толығырақ танысуға болады.