Профилактикалық шаралар мен вакцинация облыста қауіпті инфекциялардың таралмауына көмектеседі

21-08-2024, 11:18 Думан Кенжеғазыұлы

Қадағалау және дер кезінде жүргізілген алдын алу шараларының арқасында облыста тырысқақ, оба, туляремия, сібір жарасы, пастереллез, лептоспироз, листериоз, құтыру және басқа да өмірге қауіпті аурулар тіркелмеген.

Бұл туралы Абай облысының санитарлық-эпидемиологиялық бақылау департаменті басшысының орынбасары Айгүл Тоқтабаева өңірлік коммуникациялар қызметі баспасөз мәслихатында мәлімдеді.

– 2023 жылдың сәйкес кезеңімен салыстырғанда облыста 12 нозология аурушаңдығы төмендеген. Коронавирус – 68,5 есеге, туберкулез – 13,4%-ға, сальмонеллез – 2,1 есеге төмендеді. Алайда, профилактикалық шараларға қарамастан, биылғы жылы 17 нозология, оның ішінде қызылша, көкжөтел, скарлатина, жіті ішек инфекциялары 92,5 есеге өскенін атап өтті спикер.

Сондай-ақ, Айгүл Тоқтабаева қоғамда екпе алмаған азаматтар көбейсе, ұжымдық иммунитет сөзсіз төмендейтінін баса айтты. Соның салдарынан қоршаған ортада қызылша, көкжөтел сияқты қауіпті инфекцияларды тудыратын қоздырғыштардың саны артып келеді.

– Ағымдағы жылдың жарты жылдығында Абай облысында көкжөтелге қарсы екпе алмаған 9 жасқа дейінгі балалар арасында көкжөтелдің 19 жағдайы тіркелді (облыстың 2 аумағында, Семей қаласында – 16 және 3-еуі Аягөз ауданында). 2023 жылдың осы кезеңінде көкжөтел тіркелген жоқ. Алты айдың қорытындысы бойынша қызылша ауруы бойынша қолайсыз эпидемиологиялық жағдай байқалып, қызылшамен ауырған 738 расталған жағдай тіркелді, - деп атап өтті маман.

Облыста қызылшаға қарсы екпе алуды қажет ететін 13 071 бала мен жасөспірім анықталды. Оның ішінде 7012 бала екпе алды. Жалпы облыста соңғы жарты жылда профилактикалық екпелерді оңтайлы қамтуға қол жеткізілді.

Тағыда оқыңыз

ДСМ: Қазақстанда COVID-19 бойынша эпидемиологиялық ахуал тұрақты Қазақстанда 39 инфекция бойынша сырқаттанушылық төмендеді Мемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзі Қасым-Жомарт Тоқаев: Біз озық ойлы ұлт ретінде тек қана алға қарауымыз керек Мемлекет басшысы Қасым-Жомарт Тоқаевтың Қазақстан халқы Ассамблеясының «Бірлік. Жасампаздық. Өрлеу» атты ХХХІІІ сессиясында сөйлеген сөзі

Бізге ақпарат жолдаңыз Телеграмдағы каналымыз

Профилактикалық шаралар мен вакцинация облыста қауіпті инфекциялардың таралмауына көмектеседі

Пікірлер (0)