ҚР Премьер-Министрінің бірінші орынбасары Роман Скляр бастаған үкіметтік делегацияның сапары аясында Берлин қаласында (ГФР) бірқатар ірі неміс компаниялары басшыларымен кездесулер өтті.

Оның қатарында «Lift Air GmbH», «Flight Design General Aviation GmbH», «Green Energy Holding GmbH», «Deutsche ForfaitAG», «Euler Hermes AG», «SIEMENS AG, «CLAAS», «HMS Bergbau AG», «SVEVINDEnergy» және и «Deutsche Bahn AG»AG компаниялары бар.

Кездесулер барысында тараптар сауда-инвестициялық өзара іс-қимылдың басым бағыттарын дамыту мәселелерін талқылап, энергетика, тау-кен металлургия, агроөнеркәсіптік кешен және машина жасау салаларындағы келешегі бар жобалар туралы пікір алмасты.

Премьер-Министрдің бірінші орынбасары неміс бизнесі өкілдеріне Қазақстан тікелей шетелдік инвестициялар көлемін ұлғайтуға үлкен көңіл бөлетінін айтып, ынтымақтастықты одан әрі тереңдетуге мүдделі екенін атап өтті. 

Өз кезегінде неміс компаниялары өкілдері Қазақстандағы қолайлы инвестициялық ахуалды атап өтіп, инвестициялық жобаларды жүзеге асыруға жоғары қызығушылық танытты.